Сырдария ауданында "Алтын күз-2025" іс-шарасын өткізуге атсалысқан сала мамандары марапатталды
Сырдария ауданының әкімі Берік Сәрменбаевтың төрағалығымен "Руханият" орталығында мәжіліс өтіп, онда бірқатар азаматтар марапатталды, - деп хабарлайды "Expressnews.kz" ақпарат агенттігі.
Атап айтқанда, аудан басшысы қазан айының 17-18 күндері облыс орталығында өткен «Алтын күз – 2025» салтанатты іс-шарасы аясында ауданның ауыл шаруашылығы өнімдерінің жәрмеңкесін жоғары деңгейде ұйымдастыруға атсалысқан сала мамандарын облыс және аудан әкімінің Алғыс хатымен марапаттады.
– Өздеріңіз білесіздер, қазан айының 17-18 күндері Қызылорда қаласының астана болғанына 100 жыл толуына орай және «Алтын күз» мерекесі аясында ауқымды іс-шаралар өткізілді. Айтулы іс-шараларға Абай облысының делегаттары арнайы қатысып, Сыр өңірінің дамуына жоғары бағаларын берді. Облыс әкімі Нұрлыбек Машбекұлы Нәлібаев «Өнер» орталығында өткен «Алтын күз» салтанатты іс-шарасында жыл бойына ауыл шаруашылығында атқарылған жұмыстарға, агросаланың алдағы бағыт-бағдарына тоқталып, қамбаны толтырып, береке мен бірліктің үлгісін көрсеткен еңбек адамдарын құттықтады. Аудан диқандарының жылдағы дәстүрмен еңбектің үлгісін көрсеткенінің нәтижесінде Сырдария ауданы «Егін шаруашылығы бойынша Озат аудан» атанып, аймақ басшысы арнайы марапаттады. Бұл – барлығымыздың жетістігіміз, бірлесе атқарған жұмыстардың нәтижесі. «Алтын күз» салтанатты іс-шарасы аясында Қызылорда қаласында ауыл шаруашылығы өнімдерінің жәрмеңкесі ұйымдастырылды. Облыс орталығындағы «Мәңгілік алау» жанында өткізілген аудан жәрмеңкесі жоғары дәрежеде ұйымдастырылып, сол аумақтағы қала тұрғындары ризашылығын білдірді. Бұл осы жиынға қатысып отырған барлығымыздың бірлесе атқарған жұмыстарға берілген баға деп есептеймін. Ауыл шаруашылығы жәрмеңкесін жоғары деңгейде ұйымдастыруда жауапкершілік танытып, атсалысқан баршаңызға шынайы алғысымды білдіремін, – деді Берік Әбдіғаппарұлы.
Марапаттау рәсімінен соң аудан әкімі алдағы ауданда өткізілетін «Алтын күз – 2025» іс-шарасын да жоғары деңгейде өткізу жөнінде тапсырмалар жүктеді.Сырдария ауданы егін шаруашылығы бағытында жеткен табыстары үшін «Озат аудан» атанып, облыс басшылығы тарапынан арнайы марапатталды. Бұл жетістік аудан диқандарының тынымсыз еңбегі мен сала мамандарының үйлесімді жұмысының нәтижесі.
«Алтын күз» — еңбек пен берекенің мерекесі
«Алтын күз» — ауыл шаруашылығы саласында еңбек етіп жүрген жандардың бір жылдық еңбегі еленетін, молшылық пен берекенің символына айналған дәстүрлі мереке. Бұл күн – дала төсін дүбірге бөлеген диқандар мен маңдай терімен өнім өндірген еңбек адамдарын ұлықтайтын ерекше сәт.
Жыл сайын күз айында ұйымдастырылатын бұл шара Қазақстанның түкпір-түкпірінде кең көлемде аталып өтеді. Әсіресе, аграрлы аймақ саналатын Қызылорда облысында «Алтын күз» салтанаты ерекше сипатта өтеді. Аталмыш мереке егін орағы аяқталып, қамба астыққа толған кезде, бір жылдық жұмыстың қорытындысы ретінде ұйымдастырылады.
2025 жылы Қызылорда қаласының 100 жылдық мерейтойына орай өткен «Алтын күз – 2025» мерекесі аясында облыс орталығында ауқымды іс-шаралар ұйымдастырылды. Соның бірі — ауыл шаруашылығы өнімдерінің жәрмеңкесі. Бұл жәрмеңкеге Сырдария ауданы белсене қатысып, тұрғындарға сапалы әрі қолжетімді өнімдерді ұсынып, жоғары деңгейде қызмет көрсетті. Жәрмеңке Қызылорда қаласындағы «Мәңгілік алау» жанында өтті және қала тұрғындарының ерекше ықыласына бөленді.
Мерекелік шара барысында облыс әкімі Нұрлыбек Нәлібаев ауыл шаруашылығы саласының дамуына үлес қосқан озат еңбеккерлерді арнайы марапаттап, олардың табанды еңбегіне ризашылығын білдірді. Осы салтанатты жиында Сырдария ауданы "Егін шаруашылығы бойынша озат аудан" деп танылып, лайықты марапатқа ие болды. Бұл — аудан диқандарының жыл бойғы еселі еңбегі мен ұйымшыл жұмысының нақты нәтижесі.
«Алтын күз» тек марапат пен мадақтау сәті ғана емес, сонымен қатар алдағы уақытқа жоспар құрылып, жаңа межелер айқындалатын кезең. Осы ретте Сырдария ауданының әкімі Берік Сәрменбаев алдағы жылы да мерекені жоғары деңгейде ұйымдастыру бойынша нақты тапсырмалар беріп, ауыл шаруашылығы саласындағы табысты жалғастырудың маңызын атап өтті.
